【AA制】港男終極AA制避孕套夾錢買　拒妻索求象徵式家用：點解男人俾多啲？

親子

發布時間： 2023/01/12 13:27

最後更新： 2023/01/12 13:35

熱門東張西望超市大搜查九龍城寨之圍城名校專區癌症殺手家族榮耀之繼承者高才通到校服務會員有獎

▲ 一名港男對老婆實行終極AA制，連避孕套都要夾錢買，認為男女平等無必要俾家用。

夫妻結婚後共同承擔家庭責任，但錢銀上會否平分計到盡？一名港妻最近在網上大呻，指與老公的收入相若，但對方堅持AA制，大至屋租、小至付現金搭車、買飲品，甚至買避孕套都要AA制。她指偶爾想感到被愛，故要求老公象徵式給$1,000元家用，遭老公拒絕，更反問︰「點解要俾？」

該名港妻最近在連登討論區發文訴苦，指她跟老公結婚2年，由拍拖到結婚已在一起共6年。二人由拍拖班今一直奉行AA制，並非單純「你一餐我一餐」，而是所有大小事情都要平分計到足。

我哋搭小巴俾現金$20都要各自俾返自己嗰$10……其實我一路都知咁樣好搞笑，我身邊嘅朋友都覺得我哋好怪，我哋唔止係租金日常用品全部一人一半，即係如果你一餐我一餐都無咩問題，但我哋唔止係租金、日常用品全部一人一半，每餐都會計，連去7-11買支嘢野飲都會AA。

兩人結婚後，所有開支會用一個表記錄，到月尾除開條數兩人各付一半。人妻認為以前拍拖AA制沒相干，但婚後她渴望有所改變，不希望長此下去，於是向老公提出「你俾租，我俾其他雜費」，或者照舊所有開支平分，「咁你再俾少少家用我」。她解釋家用銀碼並不重要，即使老公只給一千元她已很開心，「我唔志在啲錢，係志在佢有無呢個心」。不過，此要求遭老公狠拒。